Летото е време за релаксација и уживање во добро заслужениот годишен одмор. Опуштениот дух на летото исто така се рефлектира и во нашиот избор на облека. Летната мода носи тропски дезени, цветни мотиви и геометриски шари кои привлекуваат погледи и убаво се испреплетуваат со палетата на летни бои.
Одберете живописна жолта или црвена, морнарско сина или една од пастелните нијанси бои. Мешајте ги и комбинирајте ги јаките нијанси за да креирате впечатливи модни комбинации. Том Тејлор за вас подготви совети кои ќе ви помогнат со ова.
Да започнеме со основната бела боја, која е најдобар избор за лето. Белата е светла, освежителна и изгледа "естетски чиста". Нејзината главна предност е тоа што ја рефлектира сончевата светлина, па затоа не ни е топло во бела облека. Доста е разнолика, затоа што прилега добро со секоја друга боја.
Инвестирајте во купување на бела облека. Белата боја е тренди секое лето, па така ќе можете да ги носите белите алишта повеќе сезони една по друга. Женската летна гардероба треба да вклучува бар еден бел фустан и блуза, а машката бар една бела кошула со кратки ракави.
Воедно, белата кошула е едно од најразноликите модни парчиња кое може да се носи во текот на целата година. Сепак, во летните месеци мора да се погрижиме кошулата да има релаксиран крој и да е направена од материјали кои пропуштаат воздух, како лен. Белата кошула ќе одговара со морнарско сино здолниште или панталони, а исто така и модната комбинација на бела облека “од глава до пети“ е доста летна.
Летната палета на бои е разновидна затоа што вклучува од нежни пастелни до јаки нијанси на бои.
Да ја погледнеме природата во лето, која треба да ни е најголема инспирација. Зајдисонцето, морските бранови, полињата со цвеќиња и сезонското овошје нудат прекрасни нијанси на бои кои исто така треба да ја обојат нашата летна гардероба. Одберете ги боите на лимонот, црешата, боровницата, тиркизната и бојата фуксија. Комбинирајте ги на начин што ќе креирате интересен контраст.
Од друга страна, многу посмирени и пософистицирани се нежните пастелни бои. "Сладолед нијансите" како нежно розова, бебешко сина, праска и минт се многу популарни. За релаксиран летен изглед најдобар исбор е лесен летен фустан во пастелни нијанси!
Покрај разновидната палета бои, летната мода носи интересни дезени и впечатливи шари. Ви ги претставуваме најпопуларните.
Дезенот со линии во морнарско сина боја е синоним за летна мода. Сините и бели линии се вечен летен тренд кој никогаш не излегува од мода. Одлучете се за класика, или пак одберете верзија во други бои. Во Том Тејлор летната колекција може да пронајдете маици со кратки ракави со морнарски дезен со линии во различни колорни комбинации.
Покрај овој дезен, исто така вклучивме и линии со различни пропорции. Можете да ги пронајдете на фустани, здолништа, кошули и поло маици. Мал трик: со избор на вертикални линии, оптички ќе ја издолжите силуетата и ќе изгледате послабо.
Геометриските шари може да се мали или големи, класични или поапстрактни, но она што им е заедничко е впечатливоста. Важно е да ги балансирате со монохроматски модни парчиња и додатоци.
Сепак, летната мода ни дозволува да експериментираме малку повеќе со дезените.
Дами, одберете здолниште со голема геометриска шара и комбинирајте ја со монохроматска кошула или блуза. Вистинските вљубеници во модата може да се одлучат за фустан со средна должина или пак комбинезон со геометриска шара низ целата своја должина. Мажите може да одберат кошули и поло маици со геометриски шари.
Тропските дезени внесуваат приказ од тропски места во нашата летна гардероба: палми, банана листови, тропски цвеќиња, папагали и многу зелена, жолта, црвена и сина боја. Одберете облека со тропски дезен за да го разбудите чувството на одмор во топол предел во било кое време од денот.
Облеката со тропски мотиви е соофветна за поопуштени пригоди, како дружба со пријателите, прошетка во градот покрај обалата и уживање во плажата. За мажите - одберете кошула или машки кратки панталони со тропски дезен, или пак одлучете се за комбинација од двете. Дами, одлучете се за фустан, кошула или панталони килоти со тропски цветови и други мотиви.
Цветните мотиви се многу посакувани во летните денови. Ја будат пријатната летна атмосфера во нас и додаваат романтичен допир на облеката. Многу се популарни помеѓу жените и затоа вклучивме женски фустани и здоништа со цветни мотиви во летната колекција на Том Тејлор. Исто така ќе пронајдете и женски блузи со цветен дезен, кои може дда ги комбинирате со кратки тексас панталони и ленени панталони.
Со цветниот дезен ќе креирате многу женствени изглед со малку труд. За вистински летен допир, не заборавајте да додадете летна чанта, која исто така треба да биде направена од природен материјал, како рафија.
Направете го летото - лето на шарени модни комбинации. Доколку повеќе сте за неутрални бои, одберете нежни пастелни нијанси за почеток. Само едно модно парче во боја различна од онаа која вообичаео ја носите ќе биде доволно и убава промена.
Посетете ги Том Тејлор продавниците и истражете ја летната колекција. Сигурни сме дека ќе пронајдете модерно парче кое со задоволство ќе го вметнете во вашите модни комбинации.
